Fjona Çakalli ishte pjesë e “Ftesë në 5”’ me Bieta Sulon përmes një lidhje Skype nga Italia, vendi ku ajo dhe prindërit janë vendosur prej vitesh. Nëse mbiemri i Fjonës ju duket familjar, keni të drejtë. Ajo është vajza e dy primobalerinëve të njohur të viteve 80’ në vendin tonë, Ludmill Çakallit dhe Tatiana Sulejmanit. Edhe pse e panjohur për mediat shqiptare, Fjona është shumë prezente në mediat italiane, e famshme për angazhimin e saj në tekonologji dhe video-lojra.
Fjona tregoi se ka shkruar për shumë revista prestigjioze si Vanity Fair, GQ etj… “Ka disa gazetare, blogere, por jemi shumë pak që angazhohemi me teknologjinë. Dhe shumë herë ndodh të thonë që “ti je vajzë dhe nuk merr vesh gjë”. Përgjigjia ime janë faktet. Për mua faktet janë më të rëndësishëm se çdo gjë tjetër, le të thonë çfarë të duan se nuk më intereson”, tha ajo ndër të tjera.
