Lauren Wendy Sanchez është një amerikane lexuese lajmesh, fituese e një cmimi Emmy në profesionin e saj, dhe e dashura e një prej njerëzve më të pasur në botë, themeluesit të rrjetit Amazon, Jeff Bezos. 51-vjeçarja dhe Bezos raportohet se kanë kaluar dy vite të sikletshme para se të shpalleshin publikisht si çift. Sanchez ka një prejardhje të thjeshtë dhe jka nisur karrierën si asistente në rrjetin lokal televiziv KCOP-TV në Los Angeles.
Por ajo u ngrit shpejt në karrierë duke u bërë prezantuese dhe gazetare në rrjetet KTVK-TV dhe Extra. Ajo ka punaur gjithashtu për Fox Sports, ku është nominuar disa herë për çmime e gazetarisë Emmy. Shikuesit e Los Angeles e njohin Sanchez si prezantuese e programit ‘Good Day LA’ në rrjetin Fox, në vitet 2011 deri në 2017.
Sanchez është shfaqur gjithashtu në role të shkurtra aktrimi në filma të njohur si ‘The Dark Knight’, ‘Fight Club’ dhe ‘The Day After Tomorroë’.
Sánchez është një pilote e kualifikuar helikopteri dhe është specializuar në filmimet nga ajri. Lauren e Jeff Bezos besohet se janë lidhur që prej janarit 2018 kur në media doli një foto e tyre duke darkuar së bashku. Por historia e tyre doli në dritë kur Bezos akuzoi të përditshmen National Enquirer se po i bënte shantazh për lidhjen e tij, në shkurt 2019. Besohet gjithashtu se Bezos bëri kërkesën e divorcit të tij nga bashkëshortja MacKenzie pasi besonte se fotot e tij dhe Sanchez do të bëheshin së shpejti publike.
Në shkurt 2019, Bezos i publikoi vetë fotot në kundërpërgjigje të shantazhit nga rrjeti National Enquirer. Ndërsa pas finalizimit të divorcit në prill 2019 çifti shoqërohen publikisht. Që prej publikimit, çifti janë fotografuar në kampionatin e tenisit në WËimbledon në Londër, si dhe duke u relaksuar në një jaht në brigjet e ishullit St. Barths në Karaibe në 2019. Lauren Sanchez ka qenë e martuar me promovuesin e yjeve të ekranit Patrick Whitesell në 2005, i cili ka sponsorizuar yje si Matt Damon, Christian Bale, Kevin Costner e Hugh Jackman.
E përditshmja New York Post shkruan se Bezos e Sanchez janë njohur pikerisht nëpërmjet Whitesell. Whitesell e Sanchez u ndanë në vjeshtën e 2018 dhe ajo u afrua me Bezos kur nisi të punonte për kompaninë e tij hapësinore Blue Origin. Pas shantazhit të National Enquirer ndaj Bezos, edhe Sanchez i tregoi historinë të shoqit. Sanchez ka tre fëmijë, djalin Niko të lindur në 2001 nga lidhja me sportistin Tony Gonzalez dhe dy fëmijë nga lidhja me Whitesell, djalin Evan të lindur në 2006, dhe vajzën Ella të lindur në 2008.
