Kompania kineze Xiaomi ka zbuluar një telefon të ri koncept që nuk ka asnjë port. Asnjë fole kufjesh ose ndonjë formë e portës së karikimit të përputhshme me USB. Gjithashtu mungojnë çdo lloj butoni.
Kjo lejon kurbën e ekranit rreth secilës skaj të duket e mrekullueshme, por është ndoshta një makth kur mendoni se sa shpesh na bien në tokë telefonat tanë, transmeton Telegrafi.
‘Forma e ekranit është një faktor thelbësor në përcaktimin e formës së telefonave inteligjent për të ardhmen. Me përparimet e reja të Xiaomi në ekrane me katër lakime, mundësi të reja janë krijuar dhe përparime kritike janë bërë drejt qëllimit të një telefoni inteligjent me të vërtetë pa portë’, shpjegoi kompania në një postim në blog.
Fakti që nuk ka porta të papërshtatshme do të thotë që telefoni mund të karikohet ose të përdorë pajisje përmes ‘alternativave më elegante’ sipas Xiaomi. Xiaomi nuk është prodhuesi i vetëm i telefonit që mendon për idenë e një telefoni pa asnjë portë në të. Apple është përfolur që po punon për diçka të ngjashme për vite me radhë.
