Të bësh gjithçka për të tjerët duke lënë ndonjëherë edhe veten tënde mbas dore nuk praktikohet nga të gjithë njerëzit. Por ekzistojnë disa njerëz me zemër të madhe të cilët bëjnë gjithçka për të tjerët. Ata janë shumë bujarë dhe ndodhen gjithmonë aty për t’i ndihmuar dhe mbështetur të tjerët në mënyrë të pakushtëzuar. Këto cilësi që ata kanë, varet shumë dhe nga shenja e zodiakut që ata i përkasin.
Gaforrja
Njerëzit e lindur nën këtë shenjë të zodiakut nuk mund t’ja falin vetes nëse ata nuk arrijnë ta ndihmojnë dikë. Ata janë shumë të fiksuar për mirëqenien e të afërmve të tyre, për të cilët janë gjithmonë të gatshëm të sakrifikojnë çdo gjë. Dhe nëse miqtë dhe familja e tyre nuk kanë nevojë për ndihmë, ata me kënaqësi kërkojnë të ndihmojnë edhe njerëz që nuk i njohin.
Ujori
Në ndryshim nga Gaforrja, Ujori preferon të dhurojë për organizatat pasi ata besojnë se ndihma që do të japin duhet të shkojë në mënyrë të barabartë tek ata që kanë nevojë. Ujori është pak indiferent ndaj njerëzve përreth tij, ai do të dëshironte të ndryshojë rrënjësisht shoqërinë dhe t’i bëjë institucionet që të kujdesen për të varfërit, të moshuarit dhe të sëmurët.
Peshqit
Ata që i përkasin kësaj shenje njihen si persona me zemër të madhe, aq sa nuk bëjnë dallime mes miqve të ngushtë apo individëve të panjohur. Ata janë gjithmonë të gatshëm t’ju vijnë në ndihmë të gjithëve nëse ekziston një mënyrë. Motivimi për të bërë vepra të mira bën që Peshqit të ndihmojnë edhe ata që nuk e meritojnë. Një person i kësaj shenje e bën këtë pasi beson se të gjithë janë të mirë. Zemra fisnike është karakteristika që i veçon ata nga shenjat e tjera të zodiakut.
