Kastelorizo, ishulli i famshëm grek i njohur deri tani për pamjet e mrekullueshme që ofron është bërë vendi i parë në Evropë ku të gjithë banorët janë vaksinuar.
Një javë më parë rreth 500 banorët që jetojnë në ishullin e vendosur në skajin lindor të vendit, disa kilometra larg bregut turk, morën dozën e dytë të vaksinës Pfizer, duke siguruar kështu imunitetin e të gjithë popullsisë së ishullit të vogël. Kjo është një strategji specifike e qeverisë së Athinës e cila ka zgjedhur të imunizojë fillimisht vendet turistike.
Për më tepër, në këtë mënyrë, duke imunizuar fillimisht ishujt e saj të largët, Greqia synon të shmangë kolapsin e qendrave më të vogla mjekësore, të cilat janë më të rrezikuara prej vështirësive të lidhjes me pjesën tjetër të shtetit helen.
