Alvaro Morata dëshiron të qëndrojë te Juventusi. Sulmuesi spanjoll, pasi shënoi kundër Fiorentinës, deklaroi besnikërinë e tij ndaj klubit bardhezi. Ja fjalët e tij për “Sky Sport”: “Ne patëm mundësinë për të bërë më shumë në pjesën e dytë ndaj Fiorentinës. Shpresoj të fitojmë ndeshjet e ardhshme. Nuk më pëlqen të shkoj në shtëpi me një barazim, por kemi pasur një sezon të vështirë.
Le të marrim anën pozitive të ndeshjes. Kur kemi qëndrimin e duhur, vështirë se humbasim. Në pjesën e dytë kemi treguar karakterin tonë. Unë jam një profesionist, jap më të mirën këtu, pastaj do të shohim për sezonin e ardhshëm. A do të qëndroj te Juve? Të jetë për mua rri gjithë jetën këtu, por futbolli është biznes. Ndonjëherë lojtarët nuk mund të zgjedhin. E përsëris; jam i lumtur këtu, kemi ende një finale (në Kupën e Italisë) për ta fituar”.
