Edhe pse u largua drejt Atletico Madrid në fillim të sezonit, Luis Suarez ka mbetur shumë i lidhur me Leo Messin, me të cilin ka një miqësi të madhe.
Sulmuesi i ekipit të Simeones ka folur në TV3 rreth mundësisë së largimit të “pleshtit” nga Barcelona, opsion që nuk dëshiron ta marrë në konsideratë.
“Nuk e imagjinoj dot Messin larg Barcelonës. Si një tifoz i klubit dhe një mik i tij, do i sugjerojë të mos largohet nga ekipi që e ka bërë të lumtur. Gjëja më e mirë për Messin do të ishte të mbyllte karrierën te Barça, brenda 3, 4, 5 apo 6 viteve të ardhshme“, deklaroi “El Pistolero”.
