Gjashtëmbëdhjetë vetura të ëndërruara, të dizajnuara me të ardhmen në mendje.
Modele që eksplorojnë dhe ndikojnë në trendet e reja estetike dhe teknologjike, fantazi me katër rrota të krijuara për një sharm për prodhuesit dhe publikun në shfaqjet motorike, modele që janë bërë ikona muzeale ose prodhime të kufizuara në seri.
Me ekspozitën ”Forma e së Ardhmes. 90 (+1) vjet stil dhe inovacion”, në Mauto, Muzeu Kombëtar i Automjeteve në Torino, i hapur deri më 12 shtator, festohen 90 vjet histori.
Nga ”Cisalfa 202” legjendare, te ”Ferrari P6”, “nëna e të gjitha berlinetave”, te ”Duet” i drejtuar nga Dustin Hoffman në filmin ”The Graduate” te makinat e së ardhmes, të tilla si ”Sintesi”, ”Cambiano” dhe ”Battista”, koncepti i një hipermakine elektrike.
“Në një përvjetor kaq të rëndësishëm, ne shikojmë në rrugën tonë duke u përqendruar në kryeveprat që kanë përfaqësuar një hap përpara në konceptin e makinës. Forma e së ardhmes është në qendër të të gjitha mendimeve tona. Në dekadën e ardhshme makina nuk do të jetë më siç e kemi menduar dhe e kemi ndërtuar për 90 vjet. Ajo do të jetë e lidhur, e përbashkët, e elektrizuar, autonome. Ne jemi pjesë të këtij revolucioni”, nënvizoi përgjegjësi i ekspozitës, Silvio Angori.
