Atletico Madrid 76 pikë, Real Madrid dhe Barcelona 74 pikë, Sevilla 70 pikë. Me 360 minuta të mbetura për t’u luajtur nga ky kampionat, katër skuadra të La Liga-s luftojnë për titullin. Java e 35-të do të jetë më e rëndësishmja për të përcaktuar se cilat do të jenë verdiktet përfundimtare.
Në fakt, të gjithë krerët e renditjes do të jenë përballë njëri-tjetrit: Real Madridi pret Sevilla, ndërsa Atletico Madrid shkon në “Camp Nou” për të sfiduar Barcelonën. Një skenar emocionues për një fund kampionati që premton të jetë shumë i ndezur, ku detajet individuale do të bëjnë ndryshimin.
Për “Colchoneros” udhëtimi katalanas zgjon kujtime të mrekullueshme: ishte në atë stadium edhe më 2014, kur djemtë e Simeone festuan triumfin e tyre të fundit në La Liga. Dhe është mbi këtë precedent frymëzohen Atletico Madridi për fitoren dhe forcimin e vendit të parë.
Do të jetë Messi kundër Suarez, një duel midis miqve të vjetër, të cilët, në ndeshjen e parë nuk u përballën. “Faji” i uruguajanit dhe pozitivitetit të tij me Covid-19, që e pengoi atë të merrte pjesë në suksesin e skuadrës së tij në “Wanda Metropolitano”.
Koeman përqendrohet në dyshen sulmuese të formuar nga Messi dhe një tjetër ish i shkëlqyeshëm, Griezmann, me Dest dhe Jordi Alba që vrapojnë në të dy krahët. De Jong dhe Pedri në mesfushë, në anët e regjisorit Busquets. Në mbrojtjen me tre ka vend për Mingueza, Piqué dhe Lenglet, përpara portës së mbrojtur nga Ter Stegen.
Tre mbrojtës gjithashtu për Simeone: Savic, Gimenez dhe Hermoso, para portës së Oblak. Koke dhe Sauli, qendra e mesfushës, ndërsa Trippier dhe Carrasco do të përdoren në korsitë e jashtme. Në tridentin sulmues, Llorente dhe Lemar, në mbështetje të bomberit Suarez.
Ja formacionet e mundshme:
BARCELONA (3-5-2): Ter Stegen; Mingueza, Piqué, Lenglet; Dest, De Jong, Busquets, Pedri, Jordi Alba; Messi, Griezmann. Trajner: Koeman
ATLETICO MADRID (3-4-3): Oblak; Savic, Gimenez, Hermoso; Trippier, Koke, Saul, Carrasco; Llorente, Suarez, Lemar. Trajner: Simeone
