Bora ka folur për herë të parë pas lajmeve të fundit për ndarjen e saj nga Donaldi. Në një intervistë për “Prive”, ajo u shpreh se ka vendosur të mos flasë më asnjëherë për jetën personale dhe se do donte që asgjë nga jeta e saj private mos të komentohej dhe shihej nga syri i publikut.
“Unë nuk kam dashur asnjëherë të flasë për jetën time personale dhe në fakt kam folur shumë rrallë. Më shumë flasin portalet për mua, sesa unë për veten time. Në një moment të caktuar ndoshta më është dashur të japë një përgjigje për të shuar atë kuriozitetin që kanë njerëzit. Kam folur disa herë për jetën time personale por do kthehem sërish te vetja dhe do e qep gojën përfundimisht. Nuk ka asnjë lloj përgjigje për jetën time personale”, u shpreh Bora.
