Pavarësisht 36 viteve të tij, Cristiano Ronaldo ka konfirmuar se është “i motivuar” si në 2004-ën, në prag të debutimit në Europian që do të fillojë të premten në mbrëmje me Itali-Turqi.
“Nuk ia vlen të premtosh tituj ose t ë bësh parashikime. Ajo që mund të premtoj është se do të luajmë çdo ndeshje për ta fituar”, ka thënë CR7, në një intervistë për revistën 360 të federatës portugeze.
“Kemi fituar dy trofe të rëndësishëm në vitet e fundit dhe kjo sjell akoma më shumë përgjegjësi. Luajmë gjithmonë për të fituar”, ka thënë duke iu referuar faktit se Portugalia do të luajë në grup kundër Gjermanisë dhe Francës:
“Janë këta kundërshtarët dhe është kundër tyre që duhet të luajmë. I respektojmë të gjitha skuadrat. Jemi në fazën finale të një Europiani, nuk ka ndeshje të lehta”.
Në fund, një premtim:
“Ndihem si të isha në Europianin tim të parë. Ndihem po aq ose më shumë i motivuar se në 2004-ën, në Kampionatin Europian të parë. Jemi kampionët në fuqi dhe jemi akoma me kandidatëve për të fituar trofeun”.
