Një version i ardhshëm i WhatsApp do t’iu japë më shumë kontroll mbi kompresimin që aplikohet ndaj fotove dhe videove. Sipas një raporti të fundit tre opsione të reja po zhvillohen për aplikacionin Android për nivelin e kompresimit dhe ato janë: “Auto”, “Best Quality” dhe “Data Saver”.
Nëse ofrohet në këtë formë, përdoruesit mund të zgjedhin të kursejnë internetin e tyre apo ta dërgojnë në cilësi të lartë. Për të shmangur kompresimin e fotove dhe videove aktualisht në WhatsApp e dërgon sikur të ishte një dokument.
Nuk dihet se kur opsionet do të debutojnë në versioni zyrtar. Ato i bashkohen opsioneve të tjera të cilat janë në zhvillim siç është mundësia për të përdorur WhatsApp nga disa pajisje njëherazi.
