Trajneri francez pritet të emërohet selektor i “Trekolorëve” në vend të Didier Deschamps për t’i udhëhequr ata drejt Katarit
Zinedine Zidane është i gatshëm për punën e re. Trajneri i suksesshëm francez u largua nga Real Madridi në fund të sezonit të kaluar. Dhe tash, ai pritet të emërohet selektor i Kombëtares së Francës.
“Zizou” do ta zëvendësojë Didier Deschampsin në rrugëtimin drejt Botërorit të Katarit. Për këtë siguron e përditshmja spanjolle “Marca”, përcjell “Gazeta Express”.
“Les Bleus” dështuan ta përsërisnin suksesin e Botërorit 2018 në Euro 2020 duke u eliminuar herët nga Zvicra. Ndërsa, Zidane do të mundohet ta drejtojë ekipin drejt suksesit në Botërorin 2022.
Deri tash, ai e ka drejtuar vetëm Real Madridin, me të cilin e fitoi Champions Leaguen tri herë. E kjo do të jetë eksperienca e tij e dytë si trajner për legjendarin francez.
