Në prag të largimit të kancelares gjermane nga jeta politike një restorant me pronar grek në Gjermani, ka gjetur një mënyrë tejet të veçantë për ta bërë atë të paharrueshme.
Alexis Vaiou, i cili jeton dhe mban restorantin e tij në Bremerhaven, thotë se është i kënaqur me qeverisjen e Merkel dhe admirimi për kancelaren bëri që ai të porosiste një statuje me dyll të Merkel.
“Ne kurrë nuk do të kemi një kancelare si ajo”, tha Vaiou për rrjetin gjerman Butenunbinnen. Kështu ai vendosi që në momentin që Angela Merkel do tërhiqej nga skena politike do gjente një mënyrë për ta pasur kujtim.
Për porosinë e tij ai iu drejtua Kinës dhe konkretisht një kompanie nga Shangai, porosi e cila i kushtoi projektit të tij rreth 10.000 euro. Por që statuja prej dylli e Merkel të vihej në restorantin e tij duhet pak kohë sepse ai duhet të marrë më parë miratimin e plotë të zyrës së Angela Merkel.
