Modelja e njohur nga formati i ‘Big Brother 7’, Katerina Shkëmbi, është rikthyer me një set fotosh artistike të realizuara në Angli, vendi ku ajo po jeton prej vitesh.
Bashkë me setin përrallor të realizuara nga një fotografe ruse, Katerina rrëfen për ‘Panorama Plus’ eksperiencën e fundit si modele dhe si po i duken protagonistët e ‘Big Brother VIP’, emocionet e shtëpisë së vëzhguar nga kamerat që e ka përjetuar edhe vetë disa vite më parë.
Rikthehesh si modele me një set fotosh artistike, ku këtë herë e shfaq sensualitetin në një shkrirje të mrekullueshme me natyrën. Ke dashur të sjellësh një mesazh duke pozuar larg ekstravagancës së kohës, që ka pushtuar rrjetet sociale?
Në fakt, këto foto profesionale i kam realizuar në Hitchin të Anglisë, në një “lavender farm”, nga një fotografe ruse profesioniste. Pasioni për fotografinë, të bukurën, natyrën, mbetet gjithmonë tek unë. Mbi të gjitha pozitiviteti dhe ajo që mundohem të përcjell gjithmonë përmes “Instagramit tim” është që njerëzit të qëndrojnë vetvetja, të ruajnë identitetin e tyre.
Vihet re që shumë vajza kanë krijuar varësi nga perfeksioni, ti ç’mendon për këtë këndvështrim të bukurisë?
Për mua perfeksioni nuk ekziston, bukuria është imperfeksion. Ne jemi dhe dukemi ajo çka duam të jemi!
Jeton jashtë Shqipërisë, por duke qenë vetë një ish-lojtare e atij formati, të ka kuriozuar ndopak “Big Brother VIP”?
E para, përveç dy-tre personave në atë shtëpi, të tjerët nuk i quaj VIP-a. Janë persona publikë, por VIP-a quaj njerëzit me një karrierë të mirëfilltë dhe të gjatë dhe që shumica e popullit i njeh. Të vetmin VIP mund të quaj është Ilir Shaqiri, pastaj le të themi që ata me të njohur janë: Fifi, Paloma, Donaldi dhe Sabiani.
Duke qenë se e ke provuar se ç’do të thotë të jesh brenda asaj shtëpie, si po i sheh nga jashtë ngjarjet e ndodhura?
E para më vjen keq që është duke u bërë show me njerëz që kanë probleme të shëndetit mendor. Mendoj që nuk duhet të ishin futur në “Big Brother” dhe të ishin pranuar nga produksioni. Mund të bësh çdo gjë për famë dhe para, por nuk mund të luash me shëndetin tënd. “Big Brother” është pikërisht luftë psikollogjike dhe nëse nuk je aq i fortë mendërisht është një sfidë që të bën realisht dëm.
Nga loja e deritanishme, cilët prej tyre parashikon në finale?
Në finale parashikoj Ilirin, Donaldin, Ariolën, dhe ndoshta Fifin.
Po më pranë fitores apo fitues të këtij reality show?
Mendoj që mund të fitojë Ariola Demiri për shkak se është një nënë e divorcuar me tre fëmijë dhe që ka hyrë aty dhe ka bërë një sakrificë të madhe duke lënë fëmijet e saj vetëm për të arritur çmimin e madh, dhe për t’u siguruar atyre mbase një të ardhme më të mirë. Kështu do të ishte dhe fituesja morale për publikun, një femër e fortë dhe që sakrifikon gjithçka për fëmijët e saj .
Në lidhje me çiftet, ke ndonjë kombimin që beson se do të funksionojë?
Çift parashikoi Beniadën me Arditin deri diku. Parashikoj Einxhel Shkirën ose vajzat e reja me Kledin, ose mbase dikë tjetër mashkull që mund të hyjë në “Big Brother VIP”.
Nëse ti do të kishe hyrë në këtë fazë të jetës tënde në “Big Brother”, çfarë mund të kishe arritur më shumë?
Unë po të kisha hyrë tani me keto mend që kam aktualisht, do të kisha ecur deri në finale dhe do kisha përfituar më shumë në botën e televizionit. Po atëherë kam qenë shumë e vogël, nuk i kuptoja mirë gjërat dhe mekanizmat e televizionit si duhet.
