Barcelona ka pritur orët e vona të natës që të zyrtarizonte edhe trajnerin që do zëvendësojë Roland Koeman të larguar.
Xavi Hernandez është tashmë zyrtarisht trajneri i Barcelonës, i cili është zgjedhur për të ulur në stolin e katalanasve.
Siç raportojnë mediat spanjolle Xavi ka nënshkruar një kontratë me blugranat deri në vitin 2024.
Nëpërmjet një videoje të shkurtër të postuar në Twitter nga klubi blaugrana, tregohet momentet e “lamtumirës” të Xavit nga Barça, në vitin 2015, ku në sfond dëgjohen edhe fjalët e para të trajnerit të katalansve.
“Nuk ishte një lamtumirë, por një mirupafshim. Camp Nou ka qenë gjithmonë shtëpia ime, tifozët janë forca ime, njerëzit e mi, ndërsa Barça është klubi që më shumë dua. Tashmë kthehem në shtëpi, shihemi së shpejti fansa të dashur, Forca Barça”, janë fjalët e Xavit.
