“Së pari dua të përgëzoj Max Verstappen për titullin kampion si dhe skuadrën e tij”, u shpreh piloti britanik Lewis Hamilton pas garës së Abu Dhabi, ku u rendit i dyti. Ai humbi garën dhe titullin në xhiron e fundit, pas parakalimit që i bëri Max Verstappen në pistë edhe spe e kryesoi garën për 58 xhiro.
“Jam shumë krenar për skuadrën time dhe dhamë maksimumin në pistë për të fituar. Jam ndjerë mjaft mirë me këtë makinë muajt e fundit, ishim superiorë. Tani të shohim se çfarë do të ndodhë vitin tjetër”, tha Lewis Hamilton, i dëshpëruar që humbi titullin në këtë mënyrë. Pas garës ai takoi e përshëndeti Verstappen në pistë.
