Janë portierët një element që të bën të fitosh ndeshjet? Sigurisht që po, duke parë peshën që kanë gabimet arbitrale në rezultatin final të ndeshjeve.
Statistikat janë kokëforta dhe nuk i dedikohen vetëm lojtarëve që lëvizin në fushë, por edhe pozicionit të portierit. Shpesh herë statistikat e portierit janë shumë të lidhura me lojën mbrojtëse të skuadrës.
Nga tabela e mësipërme, që analizon të gjithë portierët që janë aktivizuar në këtë kampionat, dalin të dhëna shumë interesante. Mbi të gjitha, ndeshjet me rrjeta të paprekura.
Është shumë interesante të shikosh sesi Visar Bekaj i Tiranës është në krye të klasifikimin ashtu si edhe skuadra e tij (e drejtuar nga një ish portier), dhe që portierët që kanë mbyllur më shumë ndeshje me rrjeta të paprekura janë ato që luajnë në skuadra që ndodhet në pjesën e sipërme të klasifikimit.
Një tjetër aspekt interesant është edhe gara që ekziston në dy skuadrat e tjera të kryeqytetit, Partizani dhe Dinamo. Mund të shikojmë sesi portierët e të njëjtës skuadrës kanë pasur rendiment të ndryshëm.
Nga tabela e parë është ndërtuar ky grafik. Këtu mund të shikohet sesi portierët e Skënderbeut dhe Egnatias pësojnë shumë gjuajtje në portë, por në të njëjtën kohë kanë edhe përqindje të larta pritjeje.
Një portier që në këtë kampionat është duke ndihmuar shumë skuadrën e tij me formën e treguar është Dajsinani, që përballë një numri të pakët gjuajtjes të drejtuara në kuadratin e portës së tij ka një përqindje të lartë pritjesh. / fshf.org
