Sipas La Gazzetta dello Sport, Borussia Dortmund ka identifikuar Gianluca Scamacca si një zëvendësues të mundshëm për Erling Haaland dhe gjigantët e Bundesligës kanë paraqitur tashmë një ofertë fillestare.
Haaland pritet të largohet nga Borussia në verë, me disa klube të mëdha të lidhura me sigurimin e shërbimeve të tij, transmeton Gazeta Express.
PSG, Barcelona dhe Real Madrid janë shumë të interesuar për norvegjezin dhe Borussia Dortmund tashmë po konsideron zëvendësues të mundshëm.
Sipas La Gazzetta dello Sport, sulmuesi i Sassuolos, Scamacca është një nga objektivat e tyre kryesore.
La Gazzetta raporton se Borussia ka bërë një ofertë zyrtare prej 45 milionë eurosh për të siguruar nënshkrimin e tij në janar, duke e lënë sulmuesin në huazim në stadiumin Mapei në fund të sezonit.
Interi është gjithashtu shumë i interesuar për Scamacca dhe sulmuesi do të preferonte të transferohej në San Siro sesa jashtë vendit.
