Masat kufizuese në Greqi për shkak të përhapjes së COVID do të zgjaten edhe një javë pra deri në fund të muajit Janar.
Deklarata u bë nga ministri i Shëndetësisë Thanos Plevris . Ai tha se komisioni do të mblidhet sot për të zyrtarizuar këtë vendim.
Të dhënat epidemiologjike përgjatë ditëve të fundit kanë shqetësuar ekspertët. Shtimi i rasteve të shtruara në spital, pacientët e intubuar dhe rastet e viktimave kanë sjellë një situatë të vështirë për sistemin shëndetësor.
Prej fillimit të vitit 2022 e deri më sot shtrimet janë rritur me 34% . Numri i të prekurve me Covid në fillim të vitit të ri ishte 3809 dhe tani është mbi 5100.
