Mauricio Pochettino është një trajner i klasit botëror, që po stërvit yjet e futbollit te PSG, por si shumë kolegë të tjerë ai po përjeton vështirësi në atë stol. I mësuar të dëgjojë thashetheme, këtë herë ai duhet të merret me të njëjtën çështje si disa muaj më parë: Zidane do ta zëvendësojë atë kur të përfundojë sezoni.
Duket se Al Khelaifi tashmë e ka marrë vendimin pas një viti të trazuar dhe me shumë vështirësi për të imponuar dëshirat e tij. Pochettino, megjithatë, nuk mendon përtej qershorit. Ai është i qetë, pavarësisht lajmeve. Asgjë nuk garanton vazhdimësi, edhe sikur të fitojë Champions League, por nuk është diçka që do t’ia prishë gjumin.
Drejtimi i skuadrës pariziene nuk është një detyrë e lehtë, edhe pse në pamje të parë mund të duket si vitrina më e mirë në Evropë. I fokusuar te puna ditë pas dite, ai kujdeset pak për zërat se Zidane do të jetë zëvendësuesi i tij pas vetëm disa muajve.
Mbi të gjitha, sepse vetë Pochettino nuk ka shumë dëshirë për të vazhduar në Paris. Në Premier League është i respektuar dhe gjithashtu i admiruar, mbetet për t’u parë se në cilin stol do të ulet.
