Ajax ka ruajtur formën e tij në fushë pavarësisht skandalit të Overmars ne prapaskenë, me Erik ten Hag që qëndron me të njëjtën mesfushë që i ndihmoi ata të rezervonin vendin e tyre në katërshen e fundit të Kupës KNVB.
Kjo do të thotë që Ryan Gravenberch duhej të kënaqej sërish me një vend në stol.
Twente pati rastin e parë të madh të lojës, por Ricky van Wolfswinkel goditi traversën me kokë. Në anën tjetër, Lars Unnerstall mohoi golin e Dusan Tadic. Pas 31 minutash, Davy Klaassen i kaloi vendësit në epërsi pasi Haller goditi nga këndi. Unnerstall më pas mbajti rezultatin e pandryshuar me një numër pritjesh.
Përfundimisht, në minutën e 53-të, Haller bëri rezultatin 2-0 pasi Unnerstall nuk mundi të mbante një goditje nga Jurrien Timber. Unnerstall priti një penallti të Tadicit përpara se autogoli i Robin Propper të bënte rezultatin 3-0. Twente nuk mundi ta mbante rezultatin e pandryshuar me Hallerin që shënoi dy herë në pesë minutat e fundit për të vulosur hattrick të tij dhe një fitore komode 5-0 për liderët.
Haller tani ka 16 gola në ligë këtë sezon. Ajax ka realizuar 69 gola ne kampionat dhe ka pesuar vetem 5 ne 22 ndeshje. Duke shtuar edhe Champions League, jane 89 gola dhe 10 te pesuar… Ajax kalon pesë pikë përpara sërish në krye të tabelës, ndërsa Twente zbret në vendin e 5-të!
