Kryeministri britanik Boris Johnson këtë të mërkurë ka deklaruar se në fund të këtij muaji do të heqë masat kufizuese anti –Covid.
Johnson është shprehur se në vendimin e fundit do të heqë detyrimin ligjor për të gjithë të infektuarit me Covid, sipas tij “britanikët duhet të mësohen që të jetojnë me virusin”.
Kryeministri ka hequr pothuajse të gjitha kufizimet e COVID-19 në Angli korrikun e kaluar dhe muajin e kaluar hoqi masat e “Planit B” të vendosura përkohësisht për të ndaluar përhapjen e variantit Omicron.
Ai ka thënë se dëshiron që të bëhen lëvizje të mëtejshme si pjesë e një përpjekjeje për të mësuar britanikët të jetojnë me COVID, duke zëvendësuar kërkesën ligjore të karantinës me direktiva.
“Qëllimi im është të kthehem në ditën e parë të pezullimit për të paraqitur strategjinë tonë për të mësuar të jetojmë me COVID”, ka thënë Johnson ligjvënësve.
