Ruud Gullit, kampioni historik i kuqezinjve, foli për derbin e së shtunës dhe skuadrat e Milanos në një intervistë për “Corriere dello Sport”:
“Derbi i nesërm mund të jetë vendimtar për kampionatin, veçanërisht nëse fiton Interi. Zikaltrit janë paksa favoritë. Milani po bën një punë të jashtëzakonshme dhe do të kishte merituar disa pikë më shumë në renditje.
Imagjinoni një derbi mjaft të bllokuar, si Milan-Juventus, ndoshta do të përfundojë në të njëjtën mënyrë, me një barazim. Interit mund t’i bëjë mirë barazimi, ndërsa Milani duhet të fitojë”.
“Inter-Milan është një derbi që vlen më shumë se titull”, – lexojmë mëngjesin e sotëm në “QS”. Sfidë vendimtare për titullin: me fitore, zikaltrit do të arrinin +7 pikë ndaj kushërinjve të tyre, me një ndeshje për ta rikuperuar.
Një sukses për kuqezinjtë do të rihapte plotësisht garën. Natyrisht, ka shumë më tepër në lojë: do të jetë një kapitull tjetër i një prej klasikeve më të mëdha të futbollit italian.
