Presidenti rus Vladimir Putin ka vendosur objektivat për sulmin ushtarak të vendit kundër Ukrainës dhe ai do të vendosë se kur të përfundojë operacioni “bazuar në rezultate dhe përshtatshmëri” , tha të enjten zëdhënësi i Kremlinit, Dmitry Peskov.
Operacioni “ka qëllimet e tij dhe ato duhet të arrihen,” tha zyrtari, i pyetur nga gazetarët se kur do të përfundonte ofensiva.
Në fjalimin e tij të mëngjesit të së enjtes, Putin tha se kishte urdhëruar trupat ruse të sulmonin Ukrainën për të çmilitarizuar vendin. Ai pretendoi se siguria kombëtare e Rusisë ishte komprometuar nga cenimi i NATO-s në Ukrainë.
Ai tha më tej se Rusia ishte e detyruar të mbronte republikat separatiste të Donetsk dhe Lugansk nga sulmet e vazhdueshme nga forcat ukrainase. Moska i njohu dy entitetet si shtete sovrane të hënën.
Peskov hodhi poshtë idenë se Rusia ishte në procesin e pushtimit të Ukrainës, duke thënë se operacioni rus kishte qëllime të kufizuara për të mbrojtur Rusinë dhe rajonet separatiste. Ai tha se e ardhmja e Ukrainës do të përcaktohet nga populli ukrainas.
