Jurgen Klopp paralajmëron ekipin e tij përpara sfidës kundër Inter: “Ata mbrohen në mënyrë shumë kompakte, do të luajmë kundër një ekipi të madh, një skuadër shumë e fortë. I kam ndjekur shumë një vit më parë, edhe këtë vit janë skuadra më e fortë në Itali, janë të disiplinuar dhe të përgatitur. Kanë shumë cilësi, por ky është Champions League, do të përballemi me një skuadër të shkëlqyer dhe duhet të bëjmë një paraqitje perfekte”, theksoi trajneri i Liverpool që vjen në këtë sfidë me stofin e ekipit favorit teksa kanë fituar 6 ndeshje në 6 në fazën e grupeve:
“Historikisht rezultatet në fazën e grupeve nuk kanë vlerë për asgjë. Sigurisht është bukur ti fitosh të gjitha por tashmë nuk kanë rëndësi. Ne e dimë që jemi një skuadër e fortë, një skuadër me eksperiencë por janë edhe ata dhe për këtë arsye do të jetë një ndeshje e vështirë.
Salah-Mane? Është bukur ti shohësh menjëherë duke luajtur pas rikthimit nga Kupa e Afrikës, ata të dy janë një forcë e natyrës. Nuk festuan shumë, edhe pse nuk pinë alkool”, theksoi ndër të tjera Klopp në konferencë për shtyp.
