Arti i kulinarisë është në kulmet e saj në Tiranë. Kjo vërtetohet nga rritja e cilësisë së restoranteve, të cilat ofrojnë menu të pasur me pjata që do t’i kishte zili çdo vend në botë me gastronomi të zhvilluar.
Një nga rastet më të spikatura është “Mado Fusion Restaurant” ku ta ka qejfi të shkosh për një drekë ose darkë ndryshe. Stafi i restorantit kujdeset për çdo klient në mënyrë që ai të marrë një shërbim cilësor.
Përzgjedhja e ushqimeve është në standardet më të larta, duke u mbështetur gjithashtu te teknologjia për të pasur peshkun më të freskët dhe për ta mbajtur atë në kushte optimale.
Luis Hoxha, menaxheri i “Mado Fusion Restaurant” tregon përse vendosi të lërë Italinë ku shkoi që në moshën 14 vjeçare, për të hapur një restorant ndryshe në Tiranë.
Perse vendose të kthehesh pas 17 vjetësh në Itali?
Unë u ktheva në 2017 pasi e pashë të arsyeshme që të investoja në Shqipëri dhe jo në Itali. Iu përkushtova punës me gjërat që dija më mirë, që janë pikërisht gjërat që kam mësuar në Itali. U mundova të sillja diçka të re pasi pashë që Tirana kishte pak ose aspak restorante të këtij lloji.
Me çfarë vështirësish u përballe, ishte njësoj si të bëje biznes në Itali?
Ishte më e vështirë pasi unë kisha shumë vite që nuk jetoja këtu. Vështirësitë nisnin që në hapat e parë, që te gjetja e vendit të duhur ku mund të hapej restoranti, më pas organizimi i stafit, gjetja e produkteve të freskëta çdo ditë, pastaj menaxhimi dhe publiciteti. E megjithatë, ditë pas dite, restoranti nisi të frekuentohej derisa tani është më i preferuari në Tiranë.
Tani restorantet sushi në Tiranë janë shtuar shumë. Çfarë e bën ndryshe “Mado Fusion Restaurant”?
Në fillimet tona kishte 2 lokale të këtij lloji në Tiranë. Për klientët tanë, ne preferojmë të gatuajmë sushin brazilian, duke qenë se sushi brazilian është më i pëlqyer për europianët. Futja e këtij lloj sushi pati goxha feedback të mirë teksa për katër vite u një nga lokalet më të frekuentuar në Tiranë. Në të njëjën kohë ne i ofrojmë klientëve edhe wagyu japonez. Prandaj dhe lokali quhet “fusion” pasi përmbledh pak nga të gjithat, sushi, mishi dhe peshku.
Te “Mado” gjendet sushi më i mirë në Tiranë, por edhe sashimi, ramen, maki dhe shumë specialitete të tjera të kuzhinës aziatike, por jo vetëm. Kombinimi i kuzhinës fusion me artin e paraqitjes në pjatë ndërthuren më së miri nga stafi i “Mado”.
Gjithashtu te “Mado” janë kujdesur që të shoqërojnë çdo pjatë me verërat më cilësore të kantinës. Filozofia dhe qëllimi i “Mado”, është që çdo klient të konsiderohet i veçantë për të përmbushur çdo pritshmëri për kulinari të niveleve të larta, cilësi dhe shërbim ekselent.
