Kalimi nga Paris St-Germain tek Manchester United i trajnerit Mauricio Pochettino është një nga temat kryesore sportive në shtypin anglez dhe atë francez.
Kjo meqë tabloidi britanik “Mirror” shprehet se udhëheqësit e Manchester United janë gjithnjë e më të sigurt se në verë do të emërojnë si trajner të përhershëm, Mauricio Pochettinon.
E një gjë e tillë po duket si mundësi reale edhe nga raportimi i portalit francez lider në publikimin e lajmeve për (Lëvizjet e futbollistëve) “Footmercato” që thotë se argjentinasi 49 vjeçar Pochettino, është lodhur nga kritikat që ka dëgjuar në kryeqytetin francez dhe nuk ka ndërmend të qëndrojë me klubin përtej këtij sezoni.
