Sali Berisha u pyet sot nga një demokrat se sa ishin shanset që ta mposhtë Edi Ramën dhe të sjellë sërish PD-në në pushtet edhe pse ka kundër SHBA-në. Ai tha se edhe në vitin 1998 ka patur kundër botën, por sërish fitoi.
“Me Sali Berishën në krye, PD shkon absolutisht drejt fitores. Në 1998 më vjen keq që më detyron ta them, por kam patur botën kundër dhe kemi fituar. Në 1998 qenë kundër, por fitova sepse besova te e drejta, nuk kam asnjë fuqi të veçantë unë”, tha Berisha.
Ndërkohë, nuk dihet se për çfarë fitore e ka fjalën Sali Berisha pasi nëse kërkojmë në historikun e zgjedhjeve në Shqipëri, data që i referohet ai nuk ka ndonjë bilanc të shënuar politik për të. Aq më tepër, në atë hark kohor shqiptarët i kishin ende të hapura plagët e luftës civile në 1997, dramën e firmave piramidale dhe krimeve të tjera të ardhura si rezultat i vendimeve të tij.
Mbase, ai e ka ngatërruar dhe e ka pasur fjalën për zgjedhjet e 26 Majit 1996, kur pasi torturoi dhe rrahu barbarisht opozitën, mbushi kutitë e votimit me agjentët e SHIK dhe Ushtrisë. Nëse e quan fitore atë datë, atëherë me të tijën është në rregull.
