Nga Paris Saint-Germain në Major League Soccer (MLS)? Edhe sot nuk janë ndalur zërat mbi fatin e mundshëm të dy lojtarëve shumë të rëndësishëm për projektin e klubit të Nasser Al-Khelaifi.
Mbi të gjitha Lionel Messi. Edhe “Miami Herald” raporton se David Beckham është gati të bëjë gjithçka për ta sjellë yllin argjentinas tek Inter Miami, klubi ku luan edhe Gonzalo Higuain.
Jo vetëm kaq; zërat për një të ardhme në Los Angeles, pra në bregun perëndimor, janë përforcuar edhe për Sergio Ramos. Thuhet se LA Galaxy është shumë i interesuar për t’i marrë shërbimet e mbrojtësit veteran spanjoll, ashtu sikurse bëri së fundi edhe me Douglas Costa.
