Është e destinuar të shkaktojë diskutime sjellja e Louis Van Gaal, pas asaj që doli në përfundim të miqësores mes Holandës dhe Gjermanisë, e luajtur në “Johan Cruyff Arena”, e cila përfundoi me rezultatin 1-1.
Në fund të ndeshjes, trajneri holandez inauguroi konferencën tradicionale për shtyp duke ftuar gazetarët të mbajnë distancën, pasi ishte pozitiv për Covid-19: “Mos u afroni, unë jam pozitiv me Covid”.
Sa keq që ish-trajneri i Ajax-it, Barcelonës, Bayern Munich dhe Manchester United u ul rregullisht në stol gjatë miqësores, pavarësisht testit molekular, të cilit iu nënshtrua në prag të ndeshjes, që kishte dhënë rezultat pozitiv.
Trajneri i portokallinjve nuk ka pasur asnjë shqetësim dhe është paraqitur në ndeshjen miqësore kundër gjermanëve, duke i lënë rregullat pandemike mënjanë sikur të mos kishte ndodhur asgjë.
Më pas trajneri donte të shpjegonte arsyet që e shtynë atë të ndiqte ndeshjen, pavarësisht infeksionit të konstatuar: “Mjeku më tha se janë vetëm mbetje të virusit, të cilat gjenden më gjatë në testin molekular. Para ndeshjes iu nënshtrova disa testeve të shpejta dhe të gjitha rezultuan negative”.
Vetë Van Gaal, megjithatë, në fund të lojës konfirmoi se nuk do të jetë i pranishëm në shortin e së premtes, që do të përftojë raundet e Botërorit të ardhshëm, pikërisht për shkak të tamponit pozitiv të gjetur të hënën.
