Autoritetet në Mariupol thonë se rreth 30,000 ukrainas janë larguar nga qyteti deri më tani, sipas Reuters. Sipas tyre, 350,000 janë ende të strehuar në qytet, i cili është rrethuar nga forcat ruse dhe është përballur me shpërthime të mëdha.
Reuters raporton radhë të gjata makinash që shkojnë në veri nga Mariupol, disa me shenja në xhamin e përparmë me fjalën “fëmijë” të shkruar në rusisht si sinjal që rusët të mos sulmojnë. Zyrtarët ukrainas thonë se banorët kanë mbetur të bllokuar në qytet nga bombardimet ruse pa ngrohje, energji elektrike dhe ujë të rrjedhshëm gjatë dy javëve të fundit.
Këshilli i qytetit shton se puna është duke vazhduar për të përcaktuar numrin e viktimave në teatrin e Mariupolit ku më shumë se 1,000 persona kryesisht gra dhe fëmijë ishin fshehur.
