Gjashtë rusë, që dyshohet se punonin si spiunë janë dëbuar nga Franca pas një hetimi të gjatë. Lajmin e ka bërë të ditur ministria e jashtme franceze. Të gjashtë dyshohet se punonin “nën mbulesë diplomatike në kundërshtim me interesat tona kombëtare”, tha ministria në një deklaratë.
“Operacioni klandestin” u zbulua të dielën nga shërbimet e inteligjencës, thuhet në deklaratë. Për momentin nuk dihen detaje të tjera.
Franca ka dëbuar tashmë 35 diplomatë rusë, si dhe shumë vende të tjera evropiane.
