Në Wembley, Liverpool triumfoi 2-3 ndaj Manchester Cityt, duke siguruar kështu finalen e madhe të FA Cup. Të kuqtë do zhvillonin një ndeshje të mirë, me trajnerin Klopp që preferoi të aktivizonte më të mirët në fushë, ndryshe nga Guardiola. Takimi u zhbllokua në minutën e nëntë. Konate shkëputet mbi të gjithë dhe me një goditje me kokë nuk fal. Në minutën e 18-të, eksperimenti i Guardiolës me Steffen në portë do dështonte. E dini përse? Steffe nuk do kontrollonte mirë një top dhe Mane përfitoi, duke dyfishuar shifrat. I 3-ti dhe më i rëndësishmi vjen brenda pjesës së parë, po nga senegalezi Mane. “Qytetarët” përpiqen të bëjnë diçka me Grealish sapo fillon e dyta dhe Silva në fund, por nuk mjafton. Djemtë e Klopp shkojnë kështu në aktin final të kësaj Kupe, ku do presin fituesin e Chelsea-Crystal Palace.
