Një tjetër oficer i lartë rus besohet se është vrarë në Ukrainë. Sipas BBC, koloneli Alexander Bespalov ishte komandant i Regjimentit të Tankeve të 59-të të Gardës. Nuk dihet se ku dhe si është vrarë Bespalov.
Një postim, që supozohet të jetë bërë nga motra e Bespalovit, shkruhej “është e pamundur të shprehësh me fjalë se çfarë dhimbje ndjen kur humb një person të afërt dhe të dashur”. Të premten, Ukraina pretendoi se rreth 19,000 ushtarë rusë janë vrarë në luftime. Më 25 mars, Rusia vendosi shifrën e saj të viktimave në 1,351.
