Manchester United do te rithemelohet dhe do ta beje me Ten Hag ne pankine! Shume mund te largohen, shume mund te vijne… Nga Old Trafford vazhdojne të kenë interes për lojtarin e Barcelonës, Frenkie de Jong.
Mesfushori holandez nuk ka mundur të fitojë një vend titullari në formacionin e Xavi Hernandez ku shpesh herë e ka parë veten në stol. Në këto kushte holandezi mund të mendojë një largim nga katalanasit në merkatën e verës, nga ku interesimet për të nuk mungojnë.
Sipas “Fichajes”, “Djajtë e Kuq” po mendojnë seriozisht për transferimin e tij në Premier League, teksa drejtuesit e skuadrës angleze janë gati t’i ofrojnë blaugranave edhe dy lojtarë për të bërë të mundur që De Jong të transferohet në “Old Trafford”.
Sipas po burimit në fjalë, United i ofron sulmuesin Marcus Rashford dhe mbrojtësin e majtë, Alex Telles si pjesë e shkëmbimit me De Jongun, teksa “djajtë” janë të gatshëm të ofrojnë edhe 70 milionë euro për mesfushorin.
De Jongun e kërkon trajneri i ardhshëm i “Djajve të Kuq”, Erik ten Hag, pasi ky i fundit e pëlqen shumë holandezin duke qene se e ka stervitur te Ajax dhe e ka rritur pikerisht aty nen tutelen e tij.
Më 23 korrik 2019, De Jong u transferua te Barcelona për 75 milionë euro plus 11 milionë bonuse (7.5 milionë do të shkojnë për Willem II sipas marrëveshjes) Ai bëri debutimin e tij fillestar me klubin spanjoll më 16 gusht në humbjen kundër Athletic Bilbao.
Më 29 gusht ai u vlerësua mesfushori më i mirë i UEFA Champions League 2018-2019. Më 14 shtator ai shënoi golin e parë për ekipin katalanas, duke kontribuar në fitoren 5-2 ndaj Valencias.
