Ermal Mamaqi dhe Amarda Toska janë prindër të dy fëmijëve dhe po planifikojnë të zgjerojnë familjen, por jo me një tjetër bebe.
Për momentin po planifikojnë të marrin vetëm një qen, por këtë nuk dihet nëse e tha për të kaluar situatën apo po e mendojnë seriozisht. Në një intervistë të fundit “Në Kurthin e Piter Panit”, një prej vogëlushëve e pyeti nëse do e bëjnë bebin nr.3 dhe Ermali iu përgjigj me humor: “Ne tani do bëjmë një qen. Nuk do bëjmë as çun as gocë se kemi kredi.”
Ndonëse nuk është në planet e tyre, Ermali tha se do të donte edhe një djalë tjetër. Sa i përket zënkave me Amin, ai u shpreh se nuk ndodh që të ketë të bërtitura në shtëpi por grindjet janë kryesisht për fëmijët.
“Për çfarë mund të grindemi ne më shumë? Sigurisht, për fëmijët, që unë të merrem më shumë me mësimet e Joelit. Po unë kam edhe mësimet e mia, që mezi i bëj. Një njeri vetëm një palë mësime mund të bëjë”,– tha Ermali.
