Presidenti ukrainas Volodymyr Zelensky ka reaguar pas fitores së përfaqësueses së Ukrainës në festivalin e këngës Eurovision. Ai tha se vitin tjetër do të bëjë gjithçka që festivali të mbahet në Ukrainë.
Zelensky falënderoi orkestrën Kalush për performancën që çoi fitoren në Kiev dhe të gjithë ata që votuan për Ukrainën, në një postim në Telegram.
“Jam i sigurt që korda jonë fitimtare në betejën me armikun nuk është larg”, deklaroi ai, raporton CNN.
Fituesi i këtij kompeticioni pret finalen e vitit të ardhshëm, por me luftimet e ashpra që vazhdojnë ende në Ukrainë është e paqartë se ku do mbahet festivali në vitin 2023.
