Gjatë nënshkrimit të marrëveshjes së qeverisë shqiptare me organizatën amerikane mjedisore “Patagonia” për shpalljen e Vjosës “Park Kombëtar”, Kryeministri Edi Rama foli për angazhimin dhe vullnetin konkret të qeverisë rreth kësaj çështje, përmes ngritjes së një procesi dhe grupi pune gjithëpërfshirës me palët e interesit, organizatat e huaja dhe ekspertë brenda e jashtë vendit.
Grupi i punës deri më tani ka përcaktuar zonën e studimit, aplikimin për dhënien e statusit, planet e detajuara për zonën me rëndësi kombëtare, vlerësimin strategjik mjedisor dhe planin e menaxhimit të zonës së mbrojtur.
Për shkak të rëndësisë, shtrirjes dhe kompleksitetit të çështjes, është siguruar astistencë nga ekspertë të jashtëm për plotësimin sa më mirë të procedurave të shpalljes së Vjosës “Park Kombëtar”.
Statusi “Park Kombëtar” është një standard ndërkombëtar për mbrojtjen e natyrës dhe i vetmi status që mund t’i ndalojë bizneset dhe qeveritë e ardhshme të dëmtojnë lumin dhe degët e tij, që ende rrjedhin të lirë
Kryeministri shtoi se: “Ne i kemi shtuar zonat e mbrojtura nga 18% në 21% të territorit të vendit, me ambicien që deri në 2030 mund të shkojë në 30%
Faktet kanë treguar se ndalimi i prerjes masive të pyjeve dhe vrasjes masive të kafshëve dhe shpendëve, nuk na ka sjell ndonjë dëm ekonomik, përkundrazi. Natyrisht që kanë vazhduar të priten pemë e të bëhen vrasje të kafshëve dhe shpendëve dhe moratoriumet nuk ka qenë 100% të zbatueshme, por të dyja kanë ndodhur në përmasa të atilla që janë të papërfillshme në raport me ato që janë shpëtuar.”
