Në të gjithë qytetet e vendit vijon puna për pastrimin e territorit në kuadër të Planit Kombëtar të Pastrimit.
Kryeministri Edi Rama publikoi sot në rrjetet sociale, foto me momente nga puna në qytetet e Durrësit, Sarandës, Tepelenës, Bulqizës, Malësisë së Madhe, Kavajës, Kukësit, Mallakastrës, Matit, Devollit, Kuçovës dhe Vorës.
“Faleminderit për angazhimin në Planin Kombëtar të Pastrimit, i cili është kthyer në punë të përditshme në gjithë vendin dhe do të vazhdojë pa u ndalur edhe gjatë gjithë sezonit veror sepse nuk është një aksion, por një operacion sistematik, i gjatë e i durueshëm, të cilit do t’i shkojmë deri në fund”, tha Rama.
Plani Kombëtar i Pastrimit rrënjësor të Shqipërisë nisi më 7 nëntor 2021 në Vlorë dhe po përfshin të gjitha qytetet e vendit.
