Këtë të enjte është raportuar se Manchester United ka gjetur akordin me Barcelonën për shitjen e mesfushorit Frenk de Jong. Bëhet fjalë për shumën e 85 milionë eurove që katalanasit e prisnin me padurim, por problem mbetet dëshira e holandezit që dëshiron të mbetet në ‘Camp Nou’. Tani Manchester United po punon me përfaqësuesit e futbollistit.
Nëse për holandezin ka ende disa pengesa të vogla është thuajse i kryer transferimi i qëndërmbrojtësit Lisandro Martinez te United. ‘Djajtë’ janë dakordësuar për të paguar 50 milionë euro plus bonuse për argjentinasin, i cili do gjente një konkurencë të fortë me Varane-n dhe Harry Maguierre.
