Tashmë është zyrtare. Laçi përforcohet në mesfushë. Futbollisti polak, Ariel Borisjuk, është veshur bardhezi.
Ka qenë vetë klubi kurbinas i cili me ane të një postimi njoftoi tifozët për arritjen e marrëveshjes.
30-vjeçari ka një të kaluar në skuadra elitare, si Legia e Varshavës në Poloni apo Queens Park Rangers në Angli. Ai ka qenë edhe pjesë e kombëtares polake, me të cilën ka luajtur 12 takime.
Futbollisti i është bashkuar ekipit menjëherë dhe me shume gjasa do të jetë gati për ndeshjen e kthimit në Conference League.
Laçi luan këtë të enjte ndaj moldavëve të PetroCub në stadiumin Elbasan Arena.
