Sali Berisha ka bërë një denoncim kësaj here në kufijtë e fantazisë. Ai thotë se vrasësi me pagesë i arrestuar dhe i kthyer në bashkëpunëtor të drejtësisë, Nuredin Dumani ndodhej me pushime në Golem të Durrësit.
Kjo, sipas denoncimit të një qytetareje që thotë se e pa me sytë e saj, killerin e rrezikshëm i cili mori një plumb në shtyllën kurrizore dhe që dyshohet se mjekët s’kanë arritur t’ia heqin ende.
Denoncimi i Berishës:
Nuredin Dumani në Golem. Qytetari dixhital informon pas mesnate!
Lexoni mesazhin e tij. sb
Mirmbrëma Doktor Berisha më fal shumë për shqetësimin në këtë orë të vonë (ora ishte 12:30) por Nuredin Dumani ndodhej në këto momente në Golem tek Lokal Hotel Bonita i shoqëruar nga forcat e policisë. Në plazh në mes turistëve. E shoqëruan nga ambjenti ku ishte pasi në plazh u mbyll çdo lloj aktiviteti policia e mori nga aty.
E pashë me sytë e mi bashkë me bashkeshortin në këto momente. Me falni ju lutem për këtë orë të vonë! Më falni ju lutem se harrova këtë detaj po ecte rrugëve si një person normal pa pik frike dhe problemi me çantë në krahë. Bluzë të veshur me viza me kolore të theksuara.
