Një influencuese e njohur u ka kërkuar fansave të saj që të bëjnë një lojë. Ata duhet të gjenin ndryshimet teksa ajo postonte foto të ndryshme në rrjetet sociale, ku njëra ishte e redaktuar dhe tjetra jo.
Karina Irby ka 1.2 milionë ndjekës në “Instagram” si dhe është pronare e një marke bikini. Bukuroshja australiane nuk njihet për fotot e bëra me “photoshop”, prandaj herë pas here fansat e ‘tallin’ atë për trupin e saj me celulit dhe strija.
Por tashmë të gjithë e dimë se jo çdo influencues apo blogere është kaq ‘transparent’ me atë që poston në internet. Për këtë arsye, Karina ka vendosur që të bëjë lojën “gjeni ndryshimet”.
“Sot kam redaktuar foton time për të treguar se si i shoh vajzat në faqen time të eksplorimit duke e bërë këtë… Pa shkaka… njerëzit ende po i modifikojnë fotot e tyre kështu! Dhe për fat të keq disa njerëz i shikojnë ato dhe krahasojnë veten me këto lloj imazhesh”, ka shkruar ajo në një postim në rrjetet sociale.
Karina u ka bërë thirrje ndjekësve të saj që jo të gjitha gjërat që janë në internet janë të vërteta.
“Nuk do të dukeni kurrë si këto imazhe, sepse vetë modelet as që duken si ato. Ne krijojmë standardet tona të bukurisë në vitin 2022. Bëhuni ndryshimi që dëshironi të shihni”, pohoi ajo.
Më pas, influencuesja ndau dy foto të saj duke pozuar në plazh me shpinë pas kamerës. Në anën e majtë, Karina e kishte lënë të paprekur foton ku shfaqej me bikini, ku i dukej struktura e lëkurës.
Megjithatë, në të djathtë, influencuesja kishte redaktuar foton e saj për të treguar se sa e lehtë është të mashtrosh të tjerët.
