Matias Vecino bashkohet me Lazion. Mesfushorit uruguaian i përfundoi kontrata me Interin dhe ishte futbollist i lirë, teksa ka zgjedhur pikërisht bardhekaltrit për të vijuar karrierën.
Paraditen e sotme Vecino ka mbërritur në Romë për të kryer vizitat mjekësore dhe hedhur firmën mbi kontratë, teksa që nesër pritet të vihet nën urdhrat e trajnerit Sarri.
Të dy njihen mjaft mirë me njëri-tjetrin, pasi kanë qenë bashkë te Empoli disa sezone më parë dhe tani trajneri bardhekaltër do të ketë një alternativë më shumë në mesfushë.
