De Ligt vendosi të ndajë rrugët me Juventusin këtë verë, për t’u bashkuar me skuadrën e Bayernit. Mbrojtësi hollandez ka dhënë një intervistë për Kicker, ku ka folur pikërisht për këtë transferim.
“Unë kisha edhe 2 vite të tjera kontratë me Juven, por ndjeja që ishte momenti për një sfidë të re, një ambient të ri. Kur në qershor Bayerni nisi kontaktet e para u interesova menjëherë, sepse kjo skuadër ka një stil loje më të ngjashëm me mua, është e orientuar drejt sulmit.
Kundërshtari që më ka hapur më shumë probleme deri tani ka qenë Leroy Sané në ndeshjen ndërkombëtare që kam luajtur kundër Kombëtares gjermane”
