I njohur ndryshe si “Qyteti i Trëndafilave”, përpos trashëgimisë kulturore dhe fetare, Përmeti ka dalë në raportet e Prokurorisë së Përgjitshme si qyteti me përqindjen më të ulët të procedimeve pe.na.le e rrjedhimisht me nivelin më të ulët të kri minalitetit ndër vite. Duke iu referuar statistikave për periudhën e muajve janar-mars të këtij viti nga zyra e shtypit në Policinë e Gjirokastrës bëhet me dije se është shënuar vetëm një rast shpërdorimi detyre nga ana e një punonjësi publik, referim ky në gjendje të lirë, 2 vjedhje banesash. Për njërën prej të cilave është zbardhur autori, 7 raste fyerjesh të cilësuara si kanosje me fjalë, 1 rast për një drejtues mjeti në mënyrë të parregullt dhe 2 raste dh une në familje edhe këto nën cilësinë e referimeve ndërsa zbulueshmëria e autorëve të veprave penale është thuajse në masën 100%. Raste të veprave të rënda penale të parashikuara nga kodi penal nuk ka pasur. Po të njëjtat burime bëjnë të ditur se dinamika e kri minalitetit është më e ulët në Përmet pasi ky vend me kohë është shquar për rendin, qetësinë dhe bindjen ndaj shtetit.
