Johnny Depp dhe e dashura e tij avokate, Joelle Rich, janë fshehur para syve të publikut për muaj të tërë. Pavarësisht se nuk kishte ndonjë rol zyrtar në gjyqin fitimtar të yllit të Hollywood për shpifje kundër ish-bashkëshortes Amber Heard në fillim të këtij viti, Rich u fotografua në Gjykatën e Qarkut Fairfax në Virxhinia pothuajse çdo ditë të gjyqit që u zhvillua nga 11 prilli deri në 1 qershor.
Avokatja me bazë në Londër, 37 vjeç, përfaqësoi Depp, 59 vjeç, në çështjen e tij për shpifje në Mbretërinë e Bashkuar kundër ‘The Sun’ në vitin 2020. Pavarësisht humbjes ligjore, dyshja fituan në dashuri. Sipas fotove të pafundme nga brenda dhe jashtë gjykatës, Rich – një partnere në firmën ligjore ‘Schillings’ – do të mbërrinte me yllin e “Pirates of the Caribbean”, do të ulej direkt pas tij në rreshtin e parë, do t’ua bënte me dorë fansave të tij në fund të ditës, duke dalë nga ambienti me të dhe madje të largohet me të njëjtin mjet. Në një moment, paparacët madje e kapën Rich-in duke u mbështetur dhe duke buzëqeshur ndërsa Depp i tregonte asaj diçka në telefonin e tij.
Megjithëse dy zogjtë e dashuruar e mbajtën sjelljet e tyre ndaj njëri-tjetrit profesionist, një burim i tha ‘Us Weekly’ se ajo ishte me të vërtetë atje për arsye “personale” – kryesisht, për të “mbështetur” të dashurin e saj. Është e paqartë se kur lidhja e tyre u bë romantike. Megjithatë, burimi i brendshëm i ‘Us Weekly’ tha se të dy do të takoheshin “në mënyrë diskrete” në hotele gjatë fazave të hershme të lidhjes së tyre. “Kimia e tyre është jashtë grafikëve,” tha informatori. “Është serioze mes tyre.”
Rich është një nënë e dy fëmijëve dhe është në mes të një divorci, megjithëse me sa duket ishte e martuar kur takoi Depp. Pavarësisht prezencës së saj të dukshme gjatë gjyqit shumë të bujshëm për shpifje, fansat ishin të bindur se ylli i “Edward Scissorhands” po takohej fshehurazi me një nga avokatët e tij amerikanë, Camille Vasquez. Por ajo shpejt i qetësoi thashethemet, duke e quajtur akuzën “seksiste” dhe “joetike”. “Unë kujdesem shumë për klientët e mi dhe padyshim që jemi afruar”, tha ajo për ‘People’ në qershor. “Por kur them ‘ne’, kam parasysh të gjithë ekipin, dhe sigurisht kjo përfshin Johnny-n.”
