Në një intervistë të gjatë për Times, Kylian Mbappè kujton takimin me Macron, një rezultat vendimtar për rinovimin e kontratës me Paris Saint Germain. Ylli francez dukej i destinuar të transferohej te Real Madrid, por situata ka ndryshuar në mënyrë drastike.“Nuk e kam imagjinuar kurrë të flas me presidentin për të ardhmen time, për të ardhmen e karrierës sime, kështu që ishte një situatë e çmendur”, tha Mbappè. “Më tha: Unë dua që ti të qëndrosh, nuk dua të shkosh tani. Ti je shumë i rëndësishëm për vendin”.Macron i kërkoi të qëndronte në Francë, duke e shtyrë lamtumirën e tij për disa vite. Sulmuesi i PSG zbulon deklaratat e numrit një të Elysee:“Ke kohë të largohesh, mund të rrish edhe pak”. “Sigurisht,” tha Mbappe, “kur të thotë presidenti, kjo ka rëndësi.” Sulmuesi francez synon Botërorin në Katar dhe Topin e Artë: “Ëndërroj ta fitoj. Do të doja të kisha gjithçka. Është normale të mendosh që kur Ronaldo dhe Messi të ndalojnë, një brez i ri kampionësh nevojiten. Jam gati”.
