“Dërgimi i përforcimeve ushtarake ruse në rajonin e Kharkiv, ku Ukraina ka kaluar në kundërsulm, tregon se Moska po paguan një ‘çmim të madh’ për agresionin e saj”, tha sot nga Brukseli sekretari amerikan i Shtetit, Anthony Blinken.“Numri i ushtarëve rusë në Ukrainë është i madh dhe për fat të keq presidenti i Rusisë, Vladimir Putin ka thënë se do të dërgojë edhe më shumë, por ky është edhe një çmim i madh për Rusinë”, kështu është shprehur Blinken gjatë një konference shtypi të zhvilluar së bashku e sekretarin e NATO-s, Jens Stoltenberg.Stoltenberg, nga ana e tij, u kërkoi aleatëve që t’u sigurojnë forcave ukrainase pajisje dimërore, në mënyrë që ushtarët ukrainas të vazhdojnë të luftojnë kur moti bëhet i ftohtë.Në dimër, temperatura mesatare në pjesën më të madhe të vendit bie nën zero. Nuk është e pazakontë që merkuri të bjerë deri në -15 gradë Celsius.
